Հայաստանում հանդիպում է ձկների 41 տեսակ, որոնք պատկանում են 5 կարգի՝
Սաղմոնազգիներ — Salmoniformes
Ծածանազգիներ — Cypriniformes
Լոքոազգիներ — Siluriformes
Ծածանատամազգիներ — Cyprinodontiformes
Պերկեսազգիներ — Perciformes
Դրանցից ամենատարածվածներն են՝ կարմրախայտ,Սևանի իշխան,ծածան,սովորական լոքո, սիգ, Սևանի կողակ, Սևանի բեղաձուկ, Սպիտակ ամուր /Белый амур /, ճանար, Քուռի բեղաձուկ, Քուռի կողակ, արծաթափայլ կարաս, կովկասյան թեփուղ:
Եթե դուք սիրում եք ձկնորսություն՝ դժվար հասանելի վայրերում,ապա մենք պատրաստ ենք ձեզ ուղեկցել այնտեղ, որտեղ քչերն են եղել:
Ձկնորսությունը Հայաստանում հնարավոր է համարյա բոլոր հանրաճանաչ ձևերով.
(Սպինինգ, нахлыст, լողանային կարթաձող, ֆիդերային կարթաձող և այլն )
Մասնակիցների քանակը որոշվում է ըստ արշավի տեսակի, չնայած 2-3 հոգուց բաղկացած խումբն ամենահարմարն է՝ լավ արդյունքի հասնելու համար
Մեր ձկնորսական կետերը կախված են նրանից, թե որ տեսակի ձուկ եք ուզում որսալ և ինչ եղանակներով:
Զոհրաբն արդեն երկար տարիներ է, ինչ զբաղվում է ձկնորսությամբ, լավ տիրապետում է ձկնորսության բոլոր գաղտնիքներին: Եթե դուք սկսնակ ձկնորս եք, ապա Զոհրաբի խորհուրդներին հետևելով՝ շատ արագ կտիրապետեք ձկնորսության արվեստին:
Մեխակի համար ձկնորսությունն արվեստ է, նրա ամենասիրած զբաղմունքը լեռնային գետերում կարմրախայտի որսն է: Նա այնքան է սիրում ձկնորսությունը, որ կարող է օրերով գիշերել բնության գրկում: Մեխակը մեր թիմի ամենաուշադիր անդամներից մեկն է, նրա հետ դուք ձեզ ապահով կզգաք:
Տարոնը մեր թիմի քարտեզագետն է, նա կարողանում է գտնել բնության գողտրիկ անկյունները՝ անգամ քարտեզին նայելով: Տարոնի հետ արշավների գնալու ընթացքում դուք կսովորեք, թե ինչպես ճիշտ կողմնորոշվել տարածքում և ինչպես բացահայտել բնության թաքնված վայրերը:
Արմանը մեր թիմի ամենաարագաշարժ անդամն է: Նա բոլորից արագ է կարողանում գտնել և որսալ առաջին ձուկը: Արմանի հետ ձկնորսության գնալը բավական հետաքրքիր է, քանի որ շատ արագ կարողանում է ուսումնասիրել տարածքը և գտնել, թե որ հատվածներում են թաքնված ձկները:
Հայաստանի տարածքում առկա են բազմաթիվ լեռներ և հանգած հրաբուխներ։ Լեռների և հրաբուխների քանակը հասնում է 309-ի, լեռնաշղթաներինը՝ 42-ի։ Հայաստանի տարածքում ամենաբարձր լեռը Արագածն է, որի բարձրությունը կազմում է 4094 մետր։
Հայաստանը համեմատաբար հարուստ է ջրային պաշարներով, այստեղ կա 9480 գետ և գետակ, դրանց մեծ մասը ունի լեռնային բնույթի։ Որոշ գետեր հովտի տարբեր մասերում ունեն հարթավայրային բնույթ: Հորդացումներ լինում են ապրիլ-հունիսին և աշնանը։ Գետերի նշանակությունն առանձնապես մեծ է եղել ոռոգման և ձկնորսության համար:
Հայաստանի տարածքում կա շուրջ 100 փոքր լիճ, որոնց մի մասը չոր սեզոնի ժամանակ չորանում է: Սևանա լիճը և Արփին մեծ նշանակություն ունեն չափերի և ազգային տնտեսական նշանակության տեսանկյունից: Մնացած լճերն ունեն միայն տեղական նշանակություն: Հայաստանում ամենամեծ լիճը Սևանն է, այնուհետև՝ Արփին, Սև լիճը և Ակնալիճը: Հայաստանում կա 74 ջրամբար, կառուցվում են ևս 13-ը։ Հայաստանի տարածքում ամենամեծ այս ջրամբարներն օգտագործվում են ոռոգման, էներգետիկայի, ձկնաբուծական և բուժական նպատակներով:
Դարեր շարունակ Հայաստանը կոչվել է «գետերի և լճերի երկիր»։ Երկրի տարածքի 4,7%-ը կազմում է ջուրը։
